A yau ne na jagoranci zaman majalisar ECOWAS a Abuja, inda aka gabatar da rahotannin kasashe uku tare da karbe su. Rahotannin kasar sun hada da na Guinea Bissau, Cape Verde, da Jamhuriyar Benin. Mambobin majalisar daga wadannan kasashe sun gabatar da rahotannin su, wadanda suka mayar da hankali kan tattalin arziki, tsaro, yanayi da kuma halin da kasashen ke ciki. Bayan gabatar da jawabai, ‘yan majalisar sun tattauna rahotanni tare da ba da shawarar hanyoyin da za a bi don samun haɗin kai da ci gaban yankinmu. Na yaba wa masu gabatar da shirye-shirye da dukkan ’yan majalisar wakilan jama’ar yankin bisa gaggarumin muhawarar da suka yi. Rahotanni guda uku da aka gabatar sun yi tsokaci sosai kan halin da ake ciki a wadannan kasashen yankin namu. Na lura cewa kalubalen rashin tsaro ba na musamman ga kowane yanki ba ne amma batu ne na duniya. Domin tunkarar ta’addanci gaba daya, dukkan kasashe na bukatar hada kai. Muna yakar ta gaba daya a Najeriya. Kuma da yardar Allah za mu yi nasara wajen magance wannan dodo da ake kira ta’addanci.